Aktiviteti - Emri i Aktivitetit  Gjej liderin Qëllimi: Të rritet energjia e grupit, të zhvillohet përqendrimi dhe observimi, si dhe të krijohet një atmosferë argëtuese dhe bashkëpunuese në fillim të takimit. Udhëzime hap pas hapi
  1. Kërkojuni pjesëmarrësve të qëndrojnë në këmbë dhe të formojnë një rreth përballë njëri-tjetrit.
  2. Shpjegoni se në këtë lojë një lider do të bëjë lëvizje të ndryshme, ndërsa pjesa tjetër e grupit do t’i imitojë ato.
  3. Jepni shembuj lëvizjesh si duartrokitje, lëvizje kërcimi ose gjeste qesharake.
  4. Fillimisht, veproni ju si lider dhe praktikojeni lojën disa herë që grupi ta kuptojë mekanizmin.
  5. Pasi loja të jetë e qartë, kërkojini një vullnetari të largohet përkohësisht nga dhoma.
  6. Pjesëmarrësit e tjerë zgjedhin në heshtje një lider dhe formojnë rrethin.
  7. Lideri fillon të bëjë lëvizje që ndryshojnë herë pas here dhe pjesa tjetër e grupit i ndjek menjëherë.
  8. Ftojeni vullnetarin të rikthehet dhe të qëndrojë në mes të rrethit.
  9. Vullnetari përpiqet të gjejë se kush është lideri, duke pasur deri në tre përpjekje.
  10. Vazhdoni lojën duke ndërruar role për ta mbajtur grupin aktiv dhe dinamik.
  Shënim për fascilituesit: Kujdesuni që atmosfera të mbetet pozitive dhe mbështetëse. Parandaloni ngacmimet, përqeshjet ose gjestet e pahijshme që mund ta bëjnë personin në mes të ndihet në siklet. Qëllimi i lojës është argëtimi dhe përfshirja e të gjithëve, jo vënia në siklet e askujt.