Aktiviteti - Emri i Aktivitetit  Ngrituni dhe lëvizni pak trupin Qëllimi: Ky aktivitet është krijuar për t’i ndihmuar SPV-të të lidhin përmbajtjen mbi shëndetin fizik me përfitimet psikologjike që sjell “aktiviteti” në mirëqenien mendore. Materiale të nevojshme: Muzikë. Udhëzime hap pas hapi
  1. Kërkojuni SPV-ve t’ju ndihmojnë të largoni karriget dhe çdo pengesë tjetër nga hapësira. Sigurohuni që të ketë një distancë sa gjatësia e krahut midis SPV-ve. Nëse nuk keni mjaftueshëm hapësirë brenda, mund të zhvendoseni jashtë për këtë aktivitet. 
  2. Njoftojini SPV-të se do t’i udhëhiqni përmes disa ushtrimeve fizike dhe se secili duhet të marrë pjesë sipas mundësive të tij më të mira. 
  3. Para se të filloni, kërkojuni SPV-ve të mendojnë se si ndihen tani, disa shembuj mund të jenë: të lumtur, të qetë, të stresuar, të shqetësuar, me humor të ndryshueshëm, kureshtarë ose pa ndjenja të qarta. 
  4. Jepuni pak kohë për të identifikuar ndjenjat e tyre, dhe pastaj kërkojuni t’i vlerësojnë ato në një shkallë nga 1 deri në 10 (ku 10 do të thotë shumë e fortë dhe 1 jo shumë e fortë) dhe ta tregojnë atë numër me gishtat e tyre. 
  5. Më pas, kërkojuni SPV-ve të mendojnë sa energjikë ndihen në këtë moment dhe ta vlerësojnë gjithashtu nga 1 (pak energji) deri në 10 (shumë energji).
  6. Kujtojuni SPV-ve të mbajnë mend këto vlerësime, pasi do t’u kërkohet t’i rikujtojnë pas përfundimit të aktivitetit. 
  7. Vendosni një këngë ritmike zgjidhni një këngë që është e përshtatshme për ushtrime dhe që zgjat rreth 5 minuta.
  8.  Kërkojuni pjesëmarrësve të ndjekin lëvizjet tuaja ndërsa i udhëhiqni në një stërvitje 5-minutëshe. Lideri/ja duhet t’u kujtojë pjesëmarrësve se mund të ndalojnë dhe të marrin pushim sa herë që kanë nevojë, por t’i inkurajojë të marrin pjesë dhe të argëtohen.  
  9. Kujtojuni pjesëmarrësve se ky aktivitet nuk është garë, por një eksperiment për të parë se si trupi dhe mendja e tyre reagojnë ndaj lëvizjes.
  10. Udhëzoni SPV-të përmes dy ose tre raundeve të ushtrimeve të mëposhtme:
  • Prekje të gishtave ose gjunjëve: Në këmbë, përkuluni përpara dhe prekni majat e gishtave të këmbëve me majat e gishtave të duarve – ose sa më afër që të mundeni.
  • 20 sekonda “boks në ajër”: Qëndroni në këmbë me njërën këmbë pak përpara tjetrës dhe gjunjët pak të përkulur. Shtyni një krah përpara nga pozicioni i përkulur në të drejtë, pastaj alternoni krahët sikur po “boksoni” ajrin.
  • 25 kërcime ylli (jumping jacks): Kërceni duke hapur duart dhe këmbët në të njëjtën kohë, pastaj kthehuni në pozicionin fillestar.
  • 15 ulje (squats): Me këmbët në gjerësi të ijeve, uluni sikur po uleni në një karrige imagjinare pas jush. Shtrini krahët përpara për ekuilibër, ngrihuni dhe përsëritni.
  • 12 Përkulje përpara (6 për secilën anë): Me këmbët në gjerësi të ijeve, bëni një hap përpara në pozicion përkulje përpara dhe pastaj kthehuni prapa. Ndërroni anët pas çdo përsëritjeje.
  • 30 sekonda ecje ose vrapim në vend: Merrni një pushim aktiv prej 30 sekondash me vrapim të lehtë ose ecje në vend, sipas nivelit tuaj të energjisë dhe formës fizike.
     11. Përsëriteni këtë seri 2–3 herë ose për aq kohë sa vazhdon muzika.  Kur muzika ndalon, inkurajojini SPV-të të japin një “high five” ose               të thonë “shumë mirë!” njëri-tjetrit për të festuar përfundimin e aktivitetit.        12. Si një alternativë ose shtesë ndaj këtij aktiviteti, lideri/ja mund të zgjedhë të përdorë një aktivitet të quajtur “ec e bisedo”, ku secili                     pjesëmarrës bashkohet me një anëtar tjetër të grupit dhe bëjnë një shëtitje 10-minutëshe jashtë.      13. Gjatë shëtitjes, ata mund të flasin për disa nga gjërat që kanë bërë gjatë javës që i kanë bërë të ndihen mirë, ose të bisedojnë se si                         ndihen duke qenë jashtë në natyrë.      14. Lideri/ja t’u kërkojë pjesëmarrësve të ulen rehat në dysheme pas ushtrimeve fizike, për të biseduar rreth përvojës që sapo patën.
  • Si ndiheni tani? Vlerësoni intensitetin.
  • Mendoni për nivelin tuaj të energjisë tani. Si do ta vlerësonit atë?
  • A është ndryshe nga mënyra si ndiheshit kur erdhët në sesion, rreth 10 minuta më parë?
  • Vëreni ndryshimin në trupin tuaj – si ndiheni fizikisht?
  • A ndjeni ndonjë ndryshim në sa vigjilentë apo përqendruar jeni?
  • A ka ndonjë ndryshim në disponimin tuaj?
  • A ndjeu ndonjë pjesëmarrës se ky aktivitet nuk ishte i dobishëm për disponimin apo nivelin e energjisë? A dëshiron të ndajë përvojën e tij/saj?
  • A kanë SPV-të reagime të ngjashme apo të ndryshme ndaj aktivitetit?
  • Pse mendoni se ka pasur një ndryshim në mënyrën se si ndiheni pas përfundimit të aktivitetit?
  • Si mund ta përdorni këtë lloj strategjie për të mbështetur mirëqenien tuaj mendore?
  • Kur mund të jetë e dobishme të përdorni një strategji të tillë?
Shënim për fascilituesit: Lideri/ja duhet të mbajë shënim nëse ka ndonjë pjesëmarrës me kufizime në lëvizshmëri ose me shqetësime të tjera shëndetësore që mund të ndikojnë në pjesëmarrjen e tyre dhe të sigurohet që aktiviteti të jetë gjithëpërfshirës për të gjithë.