Më poshtë gjeni 3 aktivitete që ju shërbejnë në realizimin e orës mësimore: Living with family Përgatitje përpara fillimit të sesionit:
  • Lexim dhe përvetësim i njësisë mësimore në materiale dhe program;
  • Përgatitje e materialeve të nevojshme për aktivitetet që do zhvillohen në klasë;
  • Përgatitje e mjedisit didaktik dhe fizik, si dhe e atmosferës së këndshme dhe bashkëpunuese në klasë.
Ndërlidhja me lëndët e tjera dhe çështjet ndërkurrikulare: Gjuhë dhe komunikim, biologji, arsimi për zhvillim të qëndrueshëm.  Materialet e nevojshme: Karta me mbiemra në gjuhën angleze x për sa nx. në klasë, fleta A4, Fleta A4 me ngjyra, markera, ngjyra. Përshkrimi i aktiviteteve hap pas hapi: Aktiviteti 1: Card game Parapraksiht përgatitni karta me mbiemra të ndryshëm pozitiv me të cilët asocohet familja. Filloni orën duke i njoftuar nxënësit me këto karta dhe u thoni se ato përmbajnë mbiemra të ndryshëm, por ata mund të zgjedhin vetëm një pa e parë se çfarë shkruan në të. Pasi të gjithë nxënësit të kenë marrë një kart, u kërkoni që ta lexojnë dhe të mendojnë në personin e parë në familje që ua rikujton ai mbiemër. U jepni kohë 3 minuta për të menduar.   Aktiviteti 2: Story-telling Pasi secili nxënës të ketë menduar u tregoni që të mos e tregojnë emrin e personit, por të shkruajnë një mini storie/përrallë mbi ngjarjen që më së shumti mbajnë mend mbi atë person. U tregoni se mund të inspirohen duke përdorur internetin dhe duke e shoqëruar tregimin me vizatime në fund apo edhe ta krijojnë të gjithin në formë të comic-books. I njoftoni se kanë kohë 20 minuta dhe që brenda tregimit nuk duhet të përdorin emrin e vërtet të personit apo lidhjen që ata/ato kanë me atë person. U jepni nxënësve fleta A4 me ngjyra dhe të bardhë, ku mund të shkruajnë storien/tregimin.   Aktiviteti 3: Guessing game Pasi të kenë përfunduar 20 minuta, u tregoni se koha ka përfunduar dhe me aq sa kanë shkruar duhet të përfundojnë. Më pas u kërkoni që secili të mendoj një numër nga 1-5 dhe i ndani nxënësit në 5 grupe (mundohuni të jenë të barabartë me numër), ku i njoftoni se tani është koha t’i lexoni tregimet ndaj njëri-tjetrit dhe t’i gjeni se për cilët antarë janë krijuar ato. Grupi i parë që i përfundojnë të gjitha tregimet duke i gjetur saktë të gjithë antarët janë fituesit dhe do të shpërblehen me plusa (apo ndonjë shpërblim tjetër që mësimdhënësi e sheh të arsyeshme). U tregoni se kanë kohë 15 minuta dhe nëse asnjëri grup nuk fiton deri sa minutat të përfundojnë, atëherë nuk do të ketë fitues.   Në fund formoni një rreth me nxënësit, bëni duart bashk si një skuadër dhe në numërim 1,2,3 thuani ‘’FAMILY’’.