Dramatizimi i veprës "Rozafati"

Më poshtë gjeni 3 aktivitete që ju shërbejnë në realizimin e orës mësimore: Dramatizimi i veprës "Rozafati" Përgatitje përpara fillimit të sesionit:

Lexim dhe përvetësim i njësisë mësimore në materiale dhe program;
Përgatitje e materialeve të nevojshme për aktivitetet që do zhvillohen në klasë;
Përgatitje e mjedisit didaktik dhe fizik, si dhe e atmosferës së këndshme dhe bashkëpunuese në klasë.

Ndërlidhja me lëndët e tjera dhe çështjet ndërkurrikulare: Matematikë, shkathtësi për jetë. Materialet e nevojshme: Libri i nxënësit kl 4, libri digjital, projektori, fletorja, fletat A4 të punës “Bingo e personazhit” të gatshme për plotësim – nga një për secilin nxënës, lapsat. Përshkrimi i aktiviteteve hap pas hapi: Aktiviteti 1: Lëmëshi prej letre Filloj orën duke u treguar nxënësve se sot do të përsërisim njësinë mësimore "Rozafati". I informoj që për të rikujtuar përmbajtjen e tekstit do të zhvillojmë një aktivitet që quhet "Lëmshi prej Letre". Shpjegoj se gjatë këtij aktiviteti, nxënësit do të formojnë një rreth dhe do të rikujtojnë përmbajtjen e tekstit përmes një lëmshi prej letre. Nxënësi që do ta ketë lëmshin prej letre në dorë do të thotë një fjali lidhur me përmbajtjen e tekstit, dhe më pas do ta hedhë lëmshin tek një shok/shoqe tjetër që nuk ka folur më parë. Fillimisht, filloj unë e para dhe vazhdoj lojën duke e hedhur lëmshin tek dikush tjetër. Pasi secili nxënës të ketë folur, përmbyll aktivitetin duke iu shpjeguar se çfarë është gojëdhëna ose legjenda. Legjenda apo gojëdhëna është një tekst ose rrëfim që tregohet në formë gojore nga populli. Zakonisht, këto gojëdhëna i kushtohen personave të caktuar, dukurive që kanë ndodhur në të kaluarën, ose ngjarjeve që ndodhin edhe në ditët e sotme. Të gjitha legjendat/gojëdhënat lënë gjurmë të pashlyera në jetën dhe shoqëritë njerëzore. Legjenda nuk ka një kohë të saktë zhvillimi të ngjarjes, as një datë të caktuar për kur ka ndodhur një veprim i caktuar. Aktiviteti 2: Dramatizimi Ndaj klasën në dy grupe me nga 10 nxënës. Udhëzoj nxënësit për aktivitetin e radhës. Caktoj rolet për secilin nxënës. Përgatiti skenën për shfaqjen e dramatizimit të legjendës “Rozafati”. Në sfond paraqes edhe tinguj të muzikës. Më pas ftoj grupin e parë të nxënësve të dramatizojnë legjendën “Rozafati”. Më pas edhe grupi i dytë paraqet dramatizimin. Pas dramatizimit pyes nxënësit, si:

Si u ndiet gjatë aktrimit?
A të pëlqeu roli që kishe?
A kishe dëshirë të luaje një rol tjetër?
Cili luajti rolin me më shumë emocione?
Cili ishte personazhi juaj i preferuar?
Çfarë këshille do t’i jepnit dikujt që të luaj rolin me më shumë emocione?
Si do t’ia mësonit dikujt rolin që keni luajtur?

Aktiviteti 3: Bingo e personazheve U tregoj nxënësve se do të zhvillojmë një aktivitet ku secili do të plotësojë një fletë pune që quhet "Bingo e personazheve". Në momentin që të plotësojnë të gjitha hapësirat e tabelës, duhet të thërrasin “Bingo”. Nxënësi i parë që thërret “Bingo” do të shpallet fitues dhe do të lexojë përgjigjet e tij/saj. Pas çdo përgjigje, e gjithë klasa do të tregojë nëse janë të sakta apo të pasakta dhe do t’i bëjmë përgjigjet e njëjta. U sqaroj nxënësve për fletën e punës “Bingo e personazheve” dhe u kërkoj që të mos fillojnë ta plotësojnë atë deri sa të gjithë të kenë marrë fletën përpara. Shpërndaj fletët tek të gjithë nxënësit dhe u tregoj kur të fillojnë. Pasi një nxënës thotë “Bingo”, ndaloj të tjerët që të punojnë dhe kërkoj nga ai/ajo të lexojë përgjigjet. Nxënësit e tjerë duhet të kenë vëmendjen aty. Pasi të gjithë të kenë shkruar përgjigjet e sakta, vazhdoj me reflektimin përmes pyetjeve reflektuese.

Si jeni ndjerë gjatë aktivitetit?
Çfarë keni mësuar rreth personazheve të legjendës?
Çfarë këshille do t’i jepnit dikujt që dëshiron të mësojë legjendën "Rozafati"?
Si do t’ia mësonit dikujt legjendën "Rozafati"?

BINGO E PERSONAZHEVE

Udhëzime:

Vendos emrat e personazheve aty ku janë përshkruar veprimet e tij/saj.
Vendos përshkrimin e personazhit aty ku është paraqitur emri i tij/saj.
Shkruaj emrat e të gjithë personazheve që gjenden në këtë fletë.

Cili ishte personazhi që nuk dinte asgjë në shtëpi? …………………..	Personazhi që u muros në murë e gjallë nga tre vëllezërit. …………………..	Plaku i mirë
Personazhi që tha se ishte e sëmurë. …………………..	Vëllai i vogël	Personashi që tha se do të shkonte te fisi. …………………..
Vëllai i madh	Personazhi që i tha vashës që t’i thoshte nënës se do të shkonte te fisi. …………………..	U lidhën me besa – besë e fjala – fjalë. …………………..

Personazhet e legjendës: ……………………………………………………………………………………….