Më poshtë gjeni 3 aktivitete që ju shërben në realizimin e orës: Homonimet. Përgatitje përpara fillimit të sesionit:
  • Lexim dhe përvetësim i aktivitetit në materiale dhe program;
  • Përgatitje e materialeve të nevojshme për aktivitetet që do zhvillohen në klasë;
  • Përgatitje e mjedisit didaktik dhe fizik, si dhe e atmosferës së këndshme dhe bashkëpunuese në klasë.
Ndërlidhja me lëndët e tjera dhe çështjet ndërkurrikulare: Matematikë, Edukatë Figurative, Njeriu dhe Natyra, Shkathtësi për jetë, Situata nga Jeta e Përditshme dhe Arsimi për Zhvillim të Qëndrueshëm. Materialet e nevojshme: Libri bazë, fotografi me figura të ndryshme, lapsa, ngjyra, tiketa me fjali, kuti. Përshkrimi i aktiviteteve hap pas hapi: Aktiviteti 1: Fjala në shpinë Kohëzgjatja: 15 minuta Fillimisht, renditen nxënësit në dy grupe në rresht. Mësuesja dy nxënësve në fund të dy rreshtëve ua thotë nga një fjalë të dy grupeve (BARI), pra fjala është e njëjtë. Nxënësi fillon dhe ia shkruan fjalën në shpinë shokut/shoqes që është para tij/saj. Nëse nxënësi e kupton fjalën që ia kanë shkruar në shpinë, atëherë thotë “E GJETA” dhe vazhdon duke ia shkruar fjalën nxënësit që e ka përpara. Kështu vazhdon deri te nxënësi i parë, i cili është më afër tabelës dhe e shkruan fjalën në tabelë.  Ndërrohen nxënësit, pra nxënësit që kanë qenë të parët dalin në fund dhe vazhdon përsëritja me një fjalë tjetër (XHAMI), e cila është e njëjtë për të dy grupet. Kur të shkruhet edhe fjala e dytë në tabelë, atëherë fillon diskutimi në lidhje me këto fjalë. Pyeten nxënësit se çfarë mendoni për kuptimin e këtyre fjalëve?  Pasi i marrim përgjigjiet nga nxënësit e bëjmë një përmbledhje që këto janë fjalë që shkruhen njësoj, por kanë kuptime të ndryshme që quhen homonime.  Aktiviteti 2: Shkruaj fjali me emrat e figurave Kohëzgjatja: 20 minuta Tani, nxënësit ndahen në dy grupe. Grupeve u shpërndahen fleta A4 me figura, ku ata do të shkruajnë fjali pranë figurave. Fjalët që shkruhen njësoj do t’i ngjyrosin me ngjyrë të kuqe. Shembull: Një anëtar i grupit del, i lexon fjalitë dhe sqaron se si e kanë bërë dallimin mes fjalëve që shkruhen njësoj.  Pastaj kërkojmë nga nxënësit që të hapim librin në faqen 235 dhe punojmë së bashku ushtrimin nr. 1.  Pasi që kemi vazhduar me të u bëjmë këto pyetje nxënësve: 
  • Çfarë do të thotë për ju mësimi i kësaj njësie? 
  • Merrni ndonjë shembull nga jeta e përditshme kur keni hasur në vështirësi dhe si keni dalë nga situata?
Aktiviteti 3: Më gjej kush jam Kohëzgjatja: 10 minuta                                                                        Në tiketa janë përgatitur fjali dhe janë futur në një kuti. Nxënësit do të dalin me radhë, do të fusin dorën në kuti, do t’i përziejnë copëzat e letrës dhe do të zgjedhin një. Ata do të lexojnë fjalinë dhe do të shkruajnë fjalën e saktë që i përgjigjet asaj fjalie duke e prezantuar para pjesës tjetër të klasës.  Shih shembujt e fjalive që mund të përdoren dhe zgjidhjet e tyre: Pasi që nxënësit kanë prezantuar fjalit dhe zgjidhjet e tyre, mësuesja ju tregon se si fjalë që shkruhen njejtë po përdoren në kuptime të ndryshme. Si përfundim të orës mësuesja parashtron disa pyetje reflektuese për nxënësit në lidhje me njësinë e realizuar sot: 
  • Çfarë mësuam gjatë kësaj ore? 
  • Sa e rëndësishme është kjo njësi mësimore? 
  • Çfarë na nevojitet në jetën e përditshme nga kjo njësi mësimore? 
  • Si do t’ia mësoje dikujt tjetër homonimet?