Më poshtë gjeni 4 aktivitete që ju shërben në realizimin e orës: Emri, numri dhe gjinia e emrit. Përgatitje përpara fillimit të sesionit:
  • Lexim dhe përvetësim i aktivitetit në materiale dhe program;
  • Përgatitje e materialeve të nevojshme për aktivitetet që do zhvillohen në klasë;
  • Përgatitje e mjedisit didaktik dhe fizik, si dhe e atmosferës së këndshme dhe bashkëpunuese në klasë.
Ndërlidhja me lëndët e tjera dhe çështjet ndërkurrikulare: Art figurativ, Shkathtësi për jetë. Materialet e nevojshme: Fletë pune, kartona me fjalë, tabelë, magnetë, lapsa me ngjyra, figura, libër mësimor. Përshkrimi i aktiviteteve hap pas hapi: Aktiviteti 1: Gjeje kush jam! Kohëzgjatja: 10 minuta Qëllimi i këtij aktivitetei është që të bëhet një matje e njohurive të nxënësve mbi emrin.  Fillimisht mësimdhënësja vendos në tabelë disa figura (p.sh., djalë, vajzë, qen, lule, tavolinë). Kërkon nga nxënësit që ashtu siç janë në grupe të emërtojnë figurat. Pasi janë emëruar figurat hap një diskutim të shkurtër përmes pyetjes: Cilat janë emra?. Pasi ka marrë përgjigjiet nga nxënësit mësimdhënësja vjen në përfundim se “Emrat tregojnë qenie, sende dhe dukuri”. Aktiviteti 2: Dyqani i fjalëve Kohëzgjatja: 20 minuta Qëllimi i këtij aktiviteti është që nxënësit të njohin gjininë e emrit.  Në klasë krijohet një “dyqan” me kartona ku shkruhen emra të ndryshëm (p.sh., mësuese, nxënës, dritare, libër, çantë). Nxënësit punojnë në grupe dhe “blejnë” një fjalë. Më pas, secili tregon gjininë e fjalës që bleu, për shembull: “Bleva një fjalë femërore: mësuese.” Mësuesja udhëheq diskutimin dhe ndihmon nxënësit të kuptojnë dallimin midis gjinisë mashkullore dhe femërore. Aktiviteti 3: Kush e gjen më shpejtë? Kohëzgjatja: 10 minuta Mësimdhënësja u jep secilit nxënës dy kartona: një të kuq dhe një të verdhë. U thotë që me anë të tyre do të tregojnë gjinin e emrave që do të shkruaj në tabelë. Kur shohin një emër në gjininë femërore nxënësit duhet të ngrisin kartonët me ngjyrë të kuqe, ndërsa kur shohin emrin në gjininë mashkullore nxënësit ngrisin kartonin me ngjyre të verdhë. Aktiviteti 4: Bingo e emrave Kohëzgjatja: 10 minuta Qëllimi i këtij aktiviteti është që të bëhet forcimi i njohurive për gjininë dhe numrin e emrit. Mësimdhënësja i shpërndanë nga një fletë me prëmabjtje të një rubkrike që gjinden si më poshtë:
Emër ne gjininë femërore numri njejës. Emër ne gjininë mashkullore numri njejës
Emër ne gjininë femërore numri shumës. Emër ne gjininë mashkullore numri shumës.
Emër i përgjithshëm . Emër i përveçëm.
  U thotë nxënësve se ajo do të thotë me zë të lartë emra të ndryshëm dhe ata duhet të shkruajnë në letrën e tyre nëse ajo fjalë i përket atij dhe të tthonë bingo e emrave. Më pas duhet ta lexoj para pjesës tjetër të klasës. Psh. Një nxënës ka marrë letrën “Emër i përgjithshëm”.  Kur mësimdhënësja thotë emrin vajzë, ai/ajo duhet ta shkruaj atë në fletën e tij dhe të thërras bingo e emrave. Mësimdhënësja e përmirëson nëse ka nevojë secilin nxënës dhe thotë rreth 15 lloje të ndryshme të emrave. Më pas realizon përfundimin e orës me anë të pyetjeve reflektuese:
  • Çfarë mësuam sot? 
  • Çfarë është emri? 
  • Sa gjini ka emri në gjuhën shqipe? 
  • Sa numra ka emri në gjuhën shqipe?
  • Si jeni ndjerë sot gjatë orës mësimore?