Më poshtë gjeni 3 aktivitete që ju shërbejnë në realizimin e orës mësimore: Llojet e lidhëzave Përgatitje përpara fillimit të sesionit:
  • Lexim dhe përvetësim i njësisë mësimore në materiale dhe program;
  • Përgatitje e materialeve të nevojshme për aktivitetet që do zhvillohen në klasë;
  • Përgatitje e mjedisit didaktik dhe fizik, si dhe e atmosferës së këndshme dhe bashkëpunuese në klasë.
Ndërlidhja me lëndët e tjera dhe çështjet ndërkurrikulare: Gjuhë dhe komunikim, Edukatë fizike, Shkathtësi për jetë.  Materialet e nevojshme: Libri i gjuhes kl V, laptop, projektor ,fletë A3, marker,  fletushkat  me llojet e lidhëzave, fletë me ngjyrë. Përshkrimi i aktiviteteve hap pas hapi: Aktiviteti 1: Çfarë janë Çfarë janë lidhëzat? - Orën e filloj duke i pyetur nxënësit për njohuritë që kanë për lidhëzat. Bëj pyetje, si: Çka janë lidhëzat?  Pse është e rëndësishme t’i përdorim lidhëzat?  Çka  ndodh nëse në fjali nuk përdorim lidhëz? Pasi marr përgjigjje nga nxënësit, paraqes qëllimin e orës mësimore. Filloj shpjegimin e lidhëzave dhe dy llojet e lidhëzave.  Lidhëzat ndahen në dy lloj, bashkërenditëse dhe nënrenditëse. Lidhëzat bashkërenditëse shërbejnë për ti lidhur dy fjalë ose dy pjesë të një fjalie të përbërë e cila është formuar nga dy fjali të thjeshta. Shembull: Agimi dhe shoku im.               Besniku mësonte.               Genci dëgjonte muzikë.                                                                                                                                Besniku mësonte, ndërsa Genci dëgjonte muzikë. Lidhëza bashkërenditëse janë: e, dhe, edhe, as, si, apo, ose,po, por,mirëpo, kurse, ndërsa, veç, vetëm, vetëm se,prandaj etj. Shembull : Ana erdhi në klasë por shoqja e saj Mira mungonte sot.  Lidhëzat nënrenditëse, shërbejnë për t’i lidhur dy fjali të thjeshta ku njëra fjali është kryesore ndërsa fjalia tjetër  është e varur prej fjalisë kryesore.                                              Fjalia kryesore                                        Fjalia e varur Shembull:   Do të arrijmë më shumë suksese.                       Do të mësojmë më shumë                          Do të arrijmë më shumë suksese në qoftë se do të mësojmë më shumë.                             Fjalia kryesore                                        Fjalia e varur Shembull:    Qeni im më ndjek.                                                    Më do shumë.                                                Qeni im më ndjek sepse më do shumë.                          Qeni im larosh nuk i ndal të lehurat.                  Të vij me mua në park.                       Qeni im larosh nuk i ndal të lehurat  me qëllim që të vij me mua në park. Lidhëza nënrenditëse janë: ku, tek,kudo, ngado, derisa, sepse, meqë, me qëllim që, në qoftë se, ndonëse etj   Aktiviteti 2: Vendose lidhëzën aty ku duhet Ndaj klasën në katër grupe dhe te çdo grup shpërndaj fletet A3  me fjalitë e dhëna dhe me fletushkat me lidhëza, pastaj kërkoj nga ta që të vendosin nëpër hapësirat e zbrazëta lidhëzat që mendojnë se përshtaten e fjalitë e dhëna.  Pasi që të përfundojnë punën, zgjedhin një përfaqësues të grupit që do të i lexojë të gjitha fjalitë, dhe kështu krahasohen se a i kanë bërë të gjitha grupet njejtë.  Përmirësohen ato fjali që i kanë të vendosura gabim lidhëzat, pyes nxënësit për llojin e lidhëzës që kanë përdorur në sëcilën fjali dhe vazhdoj me aktivitetin tjetër.  
1. Vendos lidhëzat  në fjalitë e mëposhtme. • Ne luajtëm mirë futboll  ____ për pak humbëm. • Ato luajnë volejboll _____ luajnë futboll. • Ne po shëtisnim në park  ______ filloj të binte shi. Do të mësoj shumë  _________ të arrijë notën pesë.
  Aktiviteti 3: Kalo lumin U tregoj nxënësve që do të zhvillojmë një aktivitet që quhet “Kalo lumin”. Fillimisht në dyshemen e klasës vendosi një hamer të gjatë të kaltër i cili përfaqëson lumin. Në njërën anë të lumit vendosi tiketa me lidhëza të ndryshme bashkërenditëse dhe nënrenditese, kurse ne anën tjetër të lumit nxënësit do t’i ndaj në katër grupe me numër të njejtë anëtarësh. Pasi t’i ndaj grupet u shpjegoj aktivitetin ku u tregoj se: Të gjithë në grup duhet të bashkëpunojnë që të fitojnë lojën. Ai grup i cili ndërton me së shumti fjali me lidhëzat që ndodhën në anën tjetër të lumit do të jetë fituesi i lojës. Për të ndërtuar fjali duhet ta kaloni lumin për ta marrur vetëm një tiketë dhe me të njejtën ta ndërtoni fjalinë. Për ta kaluar prapë lumin duhet ta keni mbaruar fjalinë e parë dhe vetëm atëhere mund ta kaloni lumin për ta marrë tiketen e radhës me lidhëz. Pas sqarimeve të dhëna bëj numërimin 1,2,3 dhe loja fillon. Pasi lidhëzat të kenë mbaruar loja do të përfundoj, kontrollojmë punën e grupeve, gjejmë grupin fitues me ndërtimin e saktë të më shumë fjalive dhe i përgezoj grupet për punën. Pasi të mbarojmë me aktivitetin e fundit  bëjmë reflektim me anë të disa  pyetjeve: 
  • Si u  ndjetë gjatë aktivitetit? 
  • Çfarë keni mësuar për lidhëzat?
  • Çfarë këshille do t’i jepnit dikujt që dëshiron t’i mësoj lidhëzat?