Qëllimi: Është një aktivitet shumë i mrekullueshëm që pjesëmarrësit të njohin njëri-tjetrin më mirë. Materiale të nevojshme: Fleta nga një laps për secilin pjesëmarrës. Udhëzime hap pas hapi
  1. Mblidhni të gjithë pjesëmarrësit në rreth dhe u jepni secilit nga një fletë dhe një laps. U shpjegoni që të shkruajnë emrin e tyre me shkronja të mëdha përgjatë gjithë fletës (vetëm emrin).
  2. Detyra e tyre është që të gjejnë persona tjerë me të paktën një shkrojnë të përbashkët në emrat e tyre. Ata pastaj duhet të shkruajnë emrin e personit tjetër përgjatë emrit të tyre duke e lidhur me shkronjën e njëjtë që e kanë në emra (Në parim emri i personit përkatës duhet të jetë i shkruar horizontalisht ndërsa të githë emrat tjerë duhet të kryqëzohen në formë vertikale me shkronjën përkatëse. Nuk do të thotë të jetë vetëm shkronja e parë e njëjtë, por edhe ndonjë shkronjë tjetër).
  3. Ata mund të gjejnë edhe ndonjë tipar të njëjtë me personin tjetër dhe ta shkruajnë atë në letrën e tyre. Sa më kreativ që të jenë, aq më mirë!
  4. Të gjithë të vazhdojnë kështu deri sa të kenë gjetur nga një person të ndryshëm për secilën shkronjë të emrit të tyre.
  5. Për ta përmbyllur aktivitetin përzgjedhni disa persona që të prezantojnë punën e tyre para grupit.