Më poshtë gjeni 3 aktivitete që ju shërben në realizimin e aktivitetit/orës: Pema e emocioneve. Përgatitje përpara fillimit të sesionit:
  • Lexim dhe përvetësim i aktivitetit në materiale dhe program;
  • Përgatitje e materialeve të nevojshme për aktivitetet që do zhvillohen në klasë;
  • Përgatitje e mjedisit didaktik dhe fizik, si dhe e atmosferës së këndshme dhe bashkëpunuese në klasë.
  Ndërlidhja me lëndët e tjera dhe çështjet ndërkurrikulare: Gjuhë shqipe, Edukatë figurative, Edukatë muzikore, Edukatë fizike dhe sportive   Materialet e nevojshme: Kartonë, gërshërë, ngjitës, balona, marker, pasqyrë   Përshkrimi i aktiviteteve hap pas hapi:   Aktiviteti 1: Kap emocionin Kohëzgjatja: 15 minuta Aktiviteti fillon me një lojë me balona. Paraprakisht, edukatorja ka fryrë disa balona dhe me marker ka vizatuar në to lloje të ndryshme emocionesh. Ajo i fton fëmijët të formojnë një rreth dhe më pas i lëshon balonat në ajër. Sa herë që fëmijët kapin njërën prej tyre, ata imitojnë me mimikë emocionin që tregon “fytyra” e balonës. Pai që secili fëmij të ketë kapur një emocion, edukatorja vazhdon që fëmijëve t’u jap sqarime për emocionet dhe ndjenjat e tyre dhe si mund të shfaqen ato.  Tani, edukatorja prezanton fytyra të modeluara në copa kartoni, përmes të cilave shprehen emocionet: i/e gëzuar, i/e hidhëruar, i/e mërzitur, i/e inatosur, i/e frikësuar. Fëmijëve u kërkohet të identifikojnë dhe emërtojnë emocionet që shprehin fytyrat. Pasi të ketë prezantur copat e kartonëve edukatorja zhvillohen një bashkëbisedim rreth emocioneve dhe ndjenjave, ku nxit fëmijët të tregojnë për përvojat e tyre. P.sh. A kuptohemi ne kur jemi të gëzuar apo të mërzitur, të inatosur apo të frikësuar? Kush i shpreh këto ndjenja? (Fytyra).   Edukatorja shpjegon se si emocionet shfaqen në situata të ndryshme të jetës së përditshme, si: Gëzim - kur marrim dashuri, kur udhëtojmë, kur veshim rroba të reja, kur festojmë, kur luajmë, kur fitojmë një garë, kur bëjmë vetë diçka të bukur etj. Inat - kur na ngacmojnë pa të drejtë, kur nuk ia dalim dot, kur tjerët marrin gjërat tona pa leje etj.  Turp - kur gabojmë, kur nuk afrohemi dot të luajmë me tjerët, kur mendojmë se tjerët nuk na duan etj.  Mërzi - kur nuk na lejojnë të bëjmë atë që duam, kur humbim në lojë, kur presim gjatë diku etj.  Frikë - kur shohim ëndërr të frikshme, kur dëgjojmë zhurma të çuditshme, kur shikojmë filma të frikshëm etj. Aktiviteti 2: Pema e emocioneve Kohëzgjatja: 20 minuta Edukatorja u shpërndan fëmijëve disa rrathë kartoni të verdhë dhe i ndanë në pesë grup. Secilit grup u jep nga një hamer ku është i vizatuar trungu i pemës, ngjitës dhe gërsherë. Fëmijëve u kërkon që secili të vizatoj në nga emocion. Tani pasiqë fëmijët të përfundojnë vizatimet u kërkon atyre që t’i ngjesin në “Pemën e Emocioneve”. Diskutohet për emocionet e paraqitura dhe për mënyrat se si ato shprehen. Fiton grupi që ka paraqitur më shumë lloje emocionesh në pemë, duke nxitur bashkëpunimin dhe kreativitetin. Aktiviteti 3: Pasqyrë e emocioneve Kohëzgjatja: 15 minuta Aktiviteti fillon me fëmijët të ulur në rreth. Edukatorja u jep një pasqyrë për të cilën u thotë fëmijëve që ta kalojnë dorë më dorë dhe të shprehin me mimikë emocione të ndryshme si kur janë të merzitur, të gëzuar, të frikësuar etj. Më pas ftohen në rreth dhe së bashku këndojmë këngën: ”Nëse ti je i lumtur”  Nëse je i  lumtur, përplas duart, Nëse ti je i lumtur përplas duart Nëse ti je  lumtur dhe vërtet do t’na tregosh nëse ti je i lumtur përplas duart   Nëse  je i  lumtur, përplas këmbët, Nëse ti je i lumtur përplas këmbët Nëse ti je  lumtur dhe vërtet do t’na tregosh nëse ti je i lumtur përplas këmbët   Nëse je i  lumtur, rrotullohu, Nëse ti je i lumtur, rrotullohu Nëse ti je  lumtur dhe vërtet do t’na tregosh nëse ti je i lumtur rrotullohu   Nëse je i  lumtur, me gishta kërcit Nëse ti je i lumtur, me gishta kërcit Nëse ti je  lumtur dhe vërtet do t’na tregosh nëse je i lumtur me gishta kërcit   Nëse je i  lumtur, ti bërtit o hej Nëse  je i lumtur, ti bërtit  o hej Nëse ti je  lumtur dhe vërtet do t’na tregosh nëse ti je i lumtur bërtit o hej Pastaj fëmijet ftohen të kthehen në vendet e tyre dhe në fund të aktivitetit zhvillohet një bashkëbisedim rreth ndjenjave dhe emocioneve dhe nxiten fëmijët të tregojnë për përvojat vetjake në bazë të pyetjeve:
  • Si janë ndjerë në ndonjë rast kur kanë perjetuar emocione, a dëshirojnë të përsëritet ky emocion? Pse deshiron të perseritet apo të mos përseritet etj. 
  • A iu pelqeu aktiviteti i sotem?
  • Si do t’ia shpjegojnë antëarve të familjes çfarë kanë mësuar sot (inkurajohen që lojen me pasqyrë ta luajnë me anëtaret e familjes, po ashtu edhe këngën ta këndojnë se bashku me motrat apo vëllezërit e tyre).