Më poshtë gjeni 3 aktivitete që ju shërbejnë në realizimin e orës mësimore: Perimetri i shumëkëndeshave Përgatitje përpara fillimit të sesionit:
  • Lexim dhe përvetësim i njësisë mësimore në materiale dhe program;
  • Përgatitje e materialeve të nevojshme për aktivitetet që do zhvillohen në klasë;
  • Përgatitje e mjedisit didaktik dhe fizik, si dhe e atmosferës së këndshme dhe bashkëpunuese në klasë.
Ndërlidhja me lëndët e tjera dhe çështjet ndërkurrikulare: Gjuhë dhe komunikim, Artet, Teknologjia me TIK. Materialet e nevojshme: Fletë A4, kapëse, magnete, materiale elementare, etj. Përshkrimi i aktiviteteve hap pas hapi: Aktivitieti 1: Gjej problemin Nxënësit do të ndahen në treshe me emrat MOLLË, DARDHË, RRUSH, QERSHI. Ata do të marrin nga një problem me fjalë dhe do ta zgjidhin së bashku.  
  • Një park është projektuar në formën e një drejtkëndëshi. Gjatësia e parkut është 50 metra dhe gjerësia është 30 metra. Të gjejmë perimetrin e parkut? Paraqesim zgjidhjet e nxënësve dhe i diskutojmë ato.
    Aktiviteti 2: Krijo/Ndërto/Zgjidh Nxënësit do të marrin udhëzime të detajuara për njehësimin e perimetrit të figurave të ndryshme gjeometrike. Më pas, në grupet që janë ndarë në fillim të orës mësimore, do të marrin secili grup nga disa magjeta për të krijuar figura të ndryshme, do të ndërtojnë bazën dhe pastaj do të njehsojnë perimetrin e asaj figure. Nxënësit do të krijojnë deri në 3-4 figura dhe do të japin zgjidhjen. Aktiviteti 3: Spin the perimeter (Rrotullo dhe gjej perimetrin) Nxënësit individualisht marrin nga një fletë të përgatitur nga mësimdhënësi, në të cilën kanë udhëzimet për krijimin e këtij aktiviteti. Mësimdhënësi paraqet edhe njëherë udhëzimet dhe përcjellë punën e secilit nxënës.