Më poshtë gjeni 3 aktivitete që ju shërbejnë në realizimin e aktivitetit: Shëndeti dhe higjiena personale. Përgatitje përpara fillimit të sesionit:
  • Lexim dhe përvetësim i aktivitetit në materiale dhe program;
  • Përgatitje e materialeve të nevojshme për aktivitetet që do zhvillohen në klasë;
  • Përgatitje e mjedisit didaktik dhe fizik, si dhe e atmosferës së këndshme dhe bashkëpunuese në klasë.
Ndërlidhja me lëndët e tjera dhe çështjet ndërkurrikulare:
  1. Matematikë; 2. Gjuhë shqipe; 
Materialet e nevojshme: Ujë, kovë për ujë, gota të plastikës, piper të zi dhe shampon të duarve. Përshkrimi i aktiviteteve hap pas hapi: Aktiviteti 1: Çka bën gjatë ditës? Kohëzgjatja: 5 minuta Aktivitetin e fillojmë duke i mbledhur të gjithë fëmijët në klasë dhe duke i vendosur në rreth për të diskutuar për shëndetin. Pyes fëmijët se çka bëjnë për të qëndruar të shëndetshëm. Pasi marr përgjigje nga ta, sido që të jenë ato në lidhje me shëndetin, ju tregoj që pjesë e shëndetit të mirë është edhe higjiena, që ndryshe e njohim si pastrimi/larja e duarve dhe pjesëve të tjera të trupit. U tregoj që sot do të flasim për larjen e duarve. Aktiviteti 2: Kova me ujë Kohëzgjatja: 30 minuta E filloj këtë pjesë të ditës duke i pyetur fëmijët se kur mendojnë që duhet larë duart dhe mënyrën se si duhet t’i lajmë ato. Pas përgjigjeve të tyre, e përmbledhim se është shumë e rëndësishme t’i pastrojmë duart disa herë gjatë ditës për t’i mbajtur mikrobet/bakteret larg trupit tonë. Më pas, ju demonstrojmë se si duhet t’i lajmë duart me anë të një kove dhe një shisheje me ujë. E ftoj një fëmijë vullnetar që të më ndihmojë me ujë dhe e demonstrojmë se si bëhet pastrimi i duarve. Tani i ndaj fëmijët në dy grupe me anë të teknikës 1,2, ku personat që kanë numrin 1 do të marrin shishen me ujë dhe do t’i ndihmojnë partnerit të tyre që ka numrin 2. Pasi të kenë provuar, u them fëmijëve që të ndërrojnë rolet. Tani fëmijët me numër 2 marrin shishet me ujë dhe u ndihmojnë partnerëve me numër 1 që të pastrojnë duart. Pasi të gjithë fëmijët ta kenë praktikuar larjen e duarve, u kërkoj që t’i thajnë ato dhe vazhdoj me pjesën e reflektimit të orës. Aktiviteti 3: Shumë bakterie, pak bakterie Kohëzgjatja: 25 minuta Në mes të klasës vendosim dy plastika/kova, njërën të mbushur me ujë dhe tjetrën të zbrazët. Në kovën që është e mbushur me ujë, hedhim piper të zi për të pasqyruar bakteret dhe iu tregojmë fëmijëve që piperin ta shohin si bakteret që i hasim çdo ditë. Fillimisht hedh pak piper dhe e theksoj për ta se tani kemi pak baktere. Më pas, vazhdoj të hedh edhe më shumë piper dhe u them se tani në kovë ka shumë baktere. Në kovën tjetër, që është e zbrazët, fillimisht hedh pak shampon për duar dhe i pyes fëmijët nëse ka shumë apo pak shampo. Pasi marr përgjigjet e tyre, u tregoj se është pak shampon dhe hedh edhe më shumë, duke i pyetur tani nëse ka shumë apo pak shampo. Pasi të kem marrë përgjigjet, u tregoj se tani ka shumë shampo për duarët. Tani vendos gishtin tregues në plastikën me bakterie (piperi i zi), i cili do të ngjitet në gishtin tregues, dhe kështu u tregojmë fëmijëve si bakteret ngjiten në trupin tonë. Më pas, vendos gishtin tregues të dorës tjetër fillimisht në kovën me shampon, pastaj në kovën me përzierje të ujit dhe piperit të zi. U them fëmijëve të shohin se si shampoja i largon të gjitha bakteret (piperin e zi). Pas demonstrimit para të gjithëve, sigurohem që të vendos dy stacione në klasë, me nga dy kova, që secili fëmijë të ketë mundësinë ta provojë eksperimentin. Dhe u them të na tregojnë nëse kanë shumë apo pak baktere. Për më shumë detaje se si bëhet procesi i largimit të bakterieve mund të bazohemi në këtë video: (71) COVID-19 Germs Experiment for Kids! - YouTube E përmbyll ditën duke i pyetur fëmijët: 
  • Si u ndjetë sot? 
  • A do t’i pastroni duart më shpesh? 
  • A do t’ua tregoni prindërve tuaj se si duhet t’i pastrojnë duart?